کیمدیر؟

— اینسانین یاخشی‌سی، یا پیسی کیمدیر؟
— ساده‌لیکله اولور الهی اینسان!
— دۆنیانین ان بؤیوک داهی‌سی کیمدیر؟
— ان عادی اینساندیر — ان داهی اینسان!

— سؤیله، یئر اۆزونون وۆقاری کیمدیر؟
— اینسانا سیتاییش کیمده وارسا، او!
— دۆنیانین ان بؤیوک شاعیری کیمدیر؟
— یازماق یوخ، پوزماغی کیم باجارسا، او!

— حیاتدا ابدی ازلی کیمدیر؟
— کیم حؤرمت قازانیر اؤزو اؤزونه.
— دۆنیانین ان بؤیوک عاقیلی کیمدیر؟
— کیم جاواب وئرمیرسه جاهیل سؤزونه‌!

— رۆتبه‌نین، شؤهرتین ایلک قولو کیمدیر؟
— کیم کی، وظیفه‌یه دایم باش اگیر!
— دۆنیانین ان بؤیوک یوخسولو کیمدیر؟
— کیم کی، میلیون اۆستده اسیب تیتره‌ییر!

— من یوخو گؤرموشم، یوزان بس کیمدیر؟
— او دئییر: بیر عؤمرون بیتمه‌ییب یولو!
— او زامان بو شعری یازان بس کیمدیر؟
— بؤیوک بیر وطنین کیچیک بیر اوغلو!

19-20 مای ۱۹۹۶