سن منی اؤلدوردون، منی دیریلتدین
منیم قلبیمدهیکن
سن هارا گئتدین؟
ساندیم کی، الوداع دئدیم دۆنیایا،
سونرادان قالدیران
گۆنشه، آیا،
سن منی اؤلدوردون، منی دیریلتدین.
یولومدا عطیرلی
گۆل کیمی بیتدین،
تیکانلار اوجایدی،
بوداقلار قؽسا.
چؽرپیلدیم کۆللره
قان سؽزا-سؽزا،
سن منی اؤلدوردون، منی دیریلتدین.
بلکه سن بئلهجه
آرزونا یئتدین؟
منسه ویداع دئدیم اۆمیدلریمه.
خوش سؤزله سون قویدون
سون کدریمه،
سن منی اؤلدوردون، منی دیریلتدین.
سن اؤزون بیلدینمی
هئچ نهلر ائتدین؟
اؤلدوروب باغلادین حیاتا منی،
دیریلتدین — چوخ سئویم
داها دا سنی،
بونونچون اؤلدوروب منی دیریلتدین؟
نیه اؤلدورورسن دیریلدهجکسن؟
نیه دیریلدیرسن، اؤلدورهجکسن؟
29 مای — 5 ایون ۱۹۹۴