دۆنیایا گۆنشتک نور یایان اینسان
دۆنیایا
گۆنشتک
نور یایان اینسان،
واخت اولور
اۆفوقده
اولدوزتک آخیر.
ایللری مین-دوستلا
آدلایان اینسان،
اؤلومله دؤیوشه
تکبهتک چؽخیر.
بو گؤزله گؤرونمز
سیرلی دؤیوشدو —
اینسان بو دؤیوشو هاردا گؤرموشدو؟
اینسان دا،
اؤلوم ده
باخدی، گۆلوشدو...
گۆلوشدن
اۆرگه
بیر شۆبهه دۆشدو.
- اؤلوم، بلکه اؤلمک
دهشت دئییلدیر.
گلمیشیک... گئدیریک...
بو کی، بیر حاقدیر.
تورپاغا گؤمولمک
دهشت دئییلدیر.
دهشت دیر-دیری
اؤلو اولماقدیر!
ائله کی، جان آلدین،
مگر اوجالدین؟
یئریدین شاختایلا،
اسدین کۆلکله...
اؤلوم، ائله بیلدین
غلبه چالدین،
اؤلوم، اؤلهجکسن
اؤلومسوزلوکله!..
...یوخ! نئجه؟ اؤلوم ده
اؤله بیلرمی؟
بلکه بیر اۆشوتمه
دۆشدو جانینا؟..
نهسه فیکیرلشدی
او غملی-غملی،
ایری قؽلینجینی
قویدو قؽنینا!
۱۹۸۱