منو
بیر عؤمرون اوّلی، بیر عؤمرون سونو
(دوستومون کدرلی مونولوقو)
I
مکتبه گئدیردیم،
سۆتول اوشاقدیم.
چئوریلیب بیر قؽزا حسرتله باخدیم.
گؤزل اۆزونده‌کی گؤزل غۆروردو.
دئیردین یئریمیر او قؽز اوچوردو.
بیزیم کۆچه‌میزدن کئچیب گئدنده،
غریبه دویغولار دوغوردو منده.
مکتبدن چؽخاندا بوردان کئچیردی،
بوردا یاشاییرمیش عمی‌سی اونون.
فقط بو گۆنه‌دک، بو نئجه سیردی،
نه قؽزی گؤرموشدوم،
نه قوهومونو!
اوتوروب مۆعاصیر بیر مجنون کیمی،
تؤکدوم واراقلارا فیکیرلریمی.
"پاکیزه" دئیه‌رک،
دؤیوندو اۆرک:
"مکتوبو من اونا چاتدیریم گرک".
بس نئجه، نه تهر؟
جوشدوقجا حیسّلر،
سیرّیمی دوستوما آچدیم بیر سحر.
سؤیله‌دی: "بری وئر، من اؤلمه‌میشم،
صادق دوست اولموشام سنه همیشه".
(آرتیق درد وئررمیش آرتیق اینام دا،
ساده‌لؤوحلوک اولوب ایلکین بلام دا).
...من صاباح ائرکن
درسه گئدیرکن،
قؽزین قارداشلاری کسدی قارشیمی.
اونلارین الینده بؽچاق، داشدیمی؟
اۆرکده تیترییش،
جاندا سؽزیلتی،
عشقیم تورپاقلارا قانلا یازیلدی.
فؽرلاندی باشیما
دره ده، داغ دا،
دورموشدو "صادق دوست" آزجا اوزاقدا.
تک من دؤیولمه‌دیم، دؤیولدو سئوگیم،
تک من سؤیولمه‌دیم، سؤیولدو سئوگیم.
سؤیولدو، تاپداندی، یئللره گئتدی،
آجیسی آیلارا، ایللره گئتدی،
سؽزلادیم اۆرکدن من یانا-یانا،
بیر گۆن قولاقلاریم نه‌لر ائشیتدی؟
قؽز اره گئتدی.
بیلمه‌دیم غۆرورو بس هارا گئتدی؟
II
بو گۆن یئنه منی عئینی بیر آدلا،
طالع ایمتاحانا چکیر عینادلا.
ائشیت اۆرگیمی، بگ‌زاده خانیم،
اؤزو ده، سؤزو ده، ائی ساده خانیم!
ایلکین سنی گؤردوم، اوزاق بیر ایلده،
مردانه دوستومون داییسیگیلده.
دایاندیم حئیرتله،
باخدیم ریقّتله.
باخماغا حۆقوقوم یوخ ایدی، باخدیم،
ائله بیل سحیرلی یوخویدو، باخدیم.
مه سوسدوم، قارشیمدا ایلاهه دوردو،
گؤزلر گؤزللیگی گؤرمه‌سه کوردور!
سنین طالعینه گلدی توفانلار،
سئوینجه شریکدی آهلار، آمانلار.
اۆرک جان آتیرکن آغ گۆندوزلره،
طالع کدر سپدی قارا گؤزلره.
دۆنیانی نه رنگده،
نه گۆنده گؤردون؟
ناگاه قارا گلن دۆگون ده گؤردون!
سنه قاناد وئردی سنین ایراده‌ن،
متین ایراده‌ن!
هر شئی دییشسه ده یئر کۆره‌سینده،
تکجه دییشمه‌دی گؤزللیک سنده.
چوخ واخت سئوینج یاتیر،
کدر آییقدیر،
عاقیللی گؤزللیک باش اوجالیقدیر.
شفا دا تاپمیشام آغیر گۆنده من،
او ظریف اللرین مرحمتیندن.
بلکه ده "پاکیزه" آدلی محبّت،
دۆنن خیال ایمیش، بو گۆن حقیقت،
بیر عؤمور یول کئچدیم، قلبده پاکیزه،
دئدیم کی، پاک سئوگی دۆشسون پاک ایزه!
بیر عؤمرون اوّلی، بیر عؤمرون سونو،
یئرلر، گؤیلر قدر فرق دویسام دا من،
طالعین دؤیدوگو اینسان اوغلونو
دؤین اولاجاقمی بو گۆن گؤره‌سن؟
من دۆنیا اۆزونده نه قدر وارام،
وارام آلنی آچیق،
وارام اۆزو آغ.
هئچ نه‌دن، هئچ کسدن من کی، قورخمورام،
آمانسیز طالعدن قورخورام آنجاق!
ایستردیم سسیمی قلبین ائشیتسین،
اگر ائشیتمه‌سه، سن بیر نفسه،
اوخویوب مکتوبو جؽر، توللا گئتسین.
هر واراق پارچاسی اوندا، پاکیزه،
قوش تک قاناد آچار گئدر-گلمزه.
16-20 نویابر ۱۹۹۳
I
مکتبه گئدیردیم،
سۆتول اوشاقدیم.
چئوریلیب بیر قؽزا حسرتله باخدیم.
گؤزل اۆزونده‌کی گؤزل غۆروردو.
دئیردین یئریمیر او قؽز اوچوردو.
بیزیم کۆچه‌میزدن کئچیب گئدنده،
غریبه دویغولار دوغوردو منده.
مکتبدن چؽخاندا بوردان کئچیردی،
بوردا یاشاییرمیش عمی‌سی اونون.
فقط بو گۆنه‌دک، بو نئجه سیردی،
نه قؽزی گؤرموشدوم،
نه قوهومونو!
اوتوروب مۆعاصیر بیر مجنون کیمی،
تؤکدوم واراقلارا فیکیرلریمی.
"پاکیزه" دئیه‌رک،
دؤیوندو اۆرک:
"مکتوبو من اونا چاتدیریم گرک".
بس نئجه، نه تهر؟
جوشدوقجا حیسّلر،
سیرّیمی دوستوما آچدیم بیر سحر.
سؤیله‌دی: "بری وئر، من اؤلمه‌میشم،
صادق دوست اولموشام سنه همیشه".
(آرتیق درد وئررمیش آرتیق اینام دا،
ساده‌لؤوحلوک اولوب ایلکین بلام دا).
...من صاباح ائرکن
درسه گئدیرکن،
قؽزین قارداشلاری کسدی قارشیمی.
اونلارین الینده بؽچاق، داشدیمی؟
اۆرکده تیترییش،
جاندا سؽزیلتی،
عشقیم تورپاقلارا قانلا یازیلدی.
فؽرلاندی باشیما
دره ده، داغ دا،
دورموشدو "صادق دوست" آزجا اوزاقدا.
تک من دؤیولمه‌دیم، دؤیولدو سئوگیم،
تک من سؤیولمه‌دیم، سؤیولدو سئوگیم.
سؤیولدو، تاپداندی، یئللره گئتدی،
آجیسی آیلارا، ایللره گئتدی،
سؽزلادیم اۆرکدن من یانا-یانا،
بیر گۆن قولاقلاریم نه‌لر ائشیتدی؟
قؽز اره گئتدی.
بیلمه‌دیم غۆرورو بس هارا گئتدی؟
II
بو گۆن یئنه منی عئینی بیر آدلا،
طالع ایمتاحانا چکیر عینادلا.
ائشیت اۆرگیمی، بگ‌زاده خانیم،
اؤزو ده، سؤزو ده، ائی ساده خانیم!
ایلکین سنی گؤردوم، اوزاق بیر ایلده،
مردانه دوستومون داییسیگیلده.
دایاندیم حئیرتله،
باخدیم ریقّتله.
باخماغا حۆقوقوم یوخ ایدی، باخدیم،
ائله بیل سحیرلی یوخویدو، باخدیم.
مه سوسدوم، قارشیمدا ایلاهه دوردو،
گؤزلر گؤزللیگی گؤرمه‌سه کوردور!
سنین طالعینه گلدی توفانلار،
سئوینجه شریکدی آهلار، آمانلار.
اۆرک جان آتیرکن آغ گۆندوزلره،
طالع کدر سپدی قارا گؤزلره.
دۆنیانی نه رنگده،
نه گۆنده گؤردون؟
ناگاه قارا گلن دۆگون ده گؤردون!
سنه قاناد وئردی سنین ایراده‌ن،
متین ایراده‌ن!
هر شئی دییشسه ده یئر کۆره‌سینده،
تکجه دییشمه‌دی گؤزللیک سنده.
چوخ واخت سئوینج یاتیر،
کدر آییقدیر،
عاقیللی گؤزللیک باش اوجالیقدیر.
شفا دا تاپمیشام آغیر گۆنده من،
او ظریف اللرین مرحمتیندن.
بلکه ده "پاکیزه" آدلی محبّت،
دۆنن خیال ایمیش، بو گۆن حقیقت،
بیر عؤمور یول کئچدیم، قلبده پاکیزه،
دئدیم کی، پاک سئوگی دۆشسون پاک ایزه!
بیر عؤمرون اوّلی، بیر عؤمرون سونو،
یئرلر، گؤیلر قدر فرق دویسام دا من،
طالعین دؤیدوگو اینسان اوغلونو
دؤین اولاجاقمی بو گۆن گؤره‌سن؟
من دۆنیا اۆزونده نه قدر وارام،
وارام آلنی آچیق،
وارام اۆزو آغ.
هئچ نه‌دن، هئچ کسدن من کی، قورخمورام،
آمانسیز طالعدن قورخورام آنجاق!
ایستردیم سسیمی قلبین ائشیتسین،
اگر ائشیتمه‌سه، سن بیر نفسه،
اوخویوب مکتوبو جؽر، توللا گئتسین.
هر واراق پارچاسی اوندا، پاکیزه،
قوش تک قاناد آچار گئدر-گلمزه.
16-20 نویابر ۱۹۹۳