منو
شوشا
آه چکیر، های سالیر دردلی مئشه‌لر.
میلّتین گؤره‌جک گۆنلری وارمیش.
مردلیک اۆزرینده اوجالان شهر،
ساتقینلیق اؤنونده گۆجسوز قالارمیش.
دئدی گؤیلر ده آغی،
رنگی رنگه قاتدیلار.
بو ذی‌قیمت تورپاغی
نه قیمته ساتدیلار؟
بولودلار هالای چکیر،
سولور تزه پؤهره‌لر.
"اریم‌گلدی" های چکیر،
اوغولداییر دره‌لر.
اوجا داغلاری دا بو گۆن یاش بوغور،
قایادان یئتیم تک باخیر قالالار،
نه اوردا گؤزله‌ین بیر گلین دورور،
نه چارپاز یوللارلا گلن بیر ار وار.
ناموس تاپدالاندی بیز نئجه دؤزدوک،
یئر یاندی، گؤی یاندی بیز نئجه دؤزدوک.
دؤزدوک...
گۆناهکاری بیز اؤزوموزدوک،
دئیین من بو دردی
چکیم نه قدر.
آهیمدان آسیمان قوی پارچالانسین
گۆنشله یاناشی دوران بیر شهر،
ظۆلمت اؤولادی‌نین الینده قالسین؟
واقیف مزاریندا گلدی دهشته،
داش‌آلتی کۆلگی — پریشان روحو.
گؤرن نئجه دؤزدو بو خیانته،
اۆزئییر گنجلیگی، ناتوان روحو.
یاشیل کؤلگه‌لیکدن سۆروندو اؤلوم،
گؤزللر الوداع دئدی حیاتا.
— آتا، اؤلدور منی قوربانین اولوم،
اؤلوم-اسیرلیکدن خوشدور، آی آتا!
آتا سندیرله‌دی، تیتردی دوردو،
بیر گۆلله قؽزینا،
بیر گۆلله اؤزونه
گؤزلری یاشاران او آتا ووردو،
دۆنیایا بخش ائتمیش
اؤز اؤولادی‌یلا
او گئتدی دۆنیادان غئیرت-آدی‌یلا.
ائشیتدیم، قلبیمده
قانیم دا دوندو.
بیر نسلین عیصمتی
بئله قوروندو.
فیکیر آسیر منی داردان
دؤنه-دؤنه بو گۆن، الله!
اوجا شوشام یوخولاردان
حقیقته دؤنسون، الله
قوووب یادی تورپاغیمدان،
خالقیم قیصاص آلسین، الله!
سرچه‌لرین جایناغیندا
لاچین نئجه قالسین، الله!
قایتار جاه-جلالیمی،
اوجا الله، قادر الله!
یئرله-یئکسان خوجالیمی
زیروه‌لره قالدیر، الله!
میلیون قرینه‌دیر،
مین قرینه‌دیر.
ویجدان اۆفوقوموز صافدیر، تمیزدیر.
بیز ایندی بیلدیک کی،
ساتقینلیق نه‌دیر:
کۆرگه سانچیلان اؤز گۆلله‌میزدیر.
سؤزلریم بیتمه‌ییر... سوسمور هارای، آه!
خیالاً گزسم ده بئش قیطعه‌نی من،
اؤز شوشا قیطعه‌مه قاییدیب صاباح،
قویارام شعریمه سون نۆقطه‌نی من!
۱۹۹۲
میلّتین گؤره‌جک گۆنلری وارمیش.
مردلیک اۆزرینده اوجالان شهر،
ساتقینلیق اؤنونده گۆجسوز قالارمیش.
دئدی گؤیلر ده آغی،
رنگی رنگه قاتدیلار.
بو ذی‌قیمت تورپاغی
نه قیمته ساتدیلار؟
بولودلار هالای چکیر،
سولور تزه پؤهره‌لر.
"اریم‌گلدی" های چکیر،
اوغولداییر دره‌لر.
اوجا داغلاری دا بو گۆن یاش بوغور،
قایادان یئتیم تک باخیر قالالار،
نه اوردا گؤزله‌ین بیر گلین دورور،
نه چارپاز یوللارلا گلن بیر ار وار.
ناموس تاپدالاندی بیز نئجه دؤزدوک،
یئر یاندی، گؤی یاندی بیز نئجه دؤزدوک.
دؤزدوک...
گۆناهکاری بیز اؤزوموزدوک،
دئیین من بو دردی
چکیم نه قدر.
آهیمدان آسیمان قوی پارچالانسین
گۆنشله یاناشی دوران بیر شهر،
ظۆلمت اؤولادی‌نین الینده قالسین؟
واقیف مزاریندا گلدی دهشته،
داش‌آلتی کۆلگی — پریشان روحو.
گؤرن نئجه دؤزدو بو خیانته،
اۆزئییر گنجلیگی، ناتوان روحو.
یاشیل کؤلگه‌لیکدن سۆروندو اؤلوم،
گؤزللر الوداع دئدی حیاتا.
— آتا، اؤلدور منی قوربانین اولوم،
اؤلوم-اسیرلیکدن خوشدور، آی آتا!
آتا سندیرله‌دی، تیتردی دوردو،
بیر گۆلله قؽزینا،
بیر گۆلله اؤزونه
گؤزلری یاشاران او آتا ووردو،
دۆنیایا بخش ائتمیش
اؤز اؤولادی‌یلا
او گئتدی دۆنیادان غئیرت-آدی‌یلا.
ائشیتدیم، قلبیمده
قانیم دا دوندو.
بیر نسلین عیصمتی
بئله قوروندو.
فیکیر آسیر منی داردان
دؤنه-دؤنه بو گۆن، الله!
اوجا شوشام یوخولاردان
حقیقته دؤنسون، الله
قوووب یادی تورپاغیمدان،
خالقیم قیصاص آلسین، الله!
سرچه‌لرین جایناغیندا
لاچین نئجه قالسین، الله!
قایتار جاه-جلالیمی،
اوجا الله، قادر الله!
یئرله-یئکسان خوجالیمی
زیروه‌لره قالدیر، الله!
میلیون قرینه‌دیر،
مین قرینه‌دیر.
ویجدان اۆفوقوموز صافدیر، تمیزدیر.
بیز ایندی بیلدیک کی،
ساتقینلیق نه‌دیر:
کۆرگه سانچیلان اؤز گۆلله‌میزدیر.
سؤزلریم بیتمه‌ییر... سوسمور هارای، آه!
خیالاً گزسم ده بئش قیطعه‌نی من،
اؤز شوشا قیطعه‌مه قاییدیب صاباح،
قویارام شعریمه سون نۆقطه‌نی من!
۱۹۹۲