منو
ماویدیر...
بو گۆن هئچ بیلمیرم
نه اۆچون، نهدن،
سما دا ماویدیر،
تورپاق دا ماوی.
گؤرورم دۆنیانی باشقا رنگده من،
آغاج دا ماویدیر،
یارپاق دا ماوی.
اسیر هارادانسا سرین کۆلکلر،
داغدان ماوی-ماوی دومان سۆرونور.
ماوی کپهنکلر، ماوی چیچکلر،
ماوی چمنلر ده قشنگ گؤرونور.
سولارا یئل دییر، سولار تیترهییر،
یئرین ده منیمتک بؤیوک سیرّی وار.
سانکی افسانهوی نغمهلر دئییر
ماوی ساحیللره ماوی دالغالار.
رنگی بامباشقادیر چؤلون، دۆزون ده،
ماوی شفقلردیر چیلنن یئره،
اوچور گؤی اۆزونده بو ماوی گۆنده،
ماوی طیّارهلر ماویلیکلره.
من بلکه بیلیرم
نه اۆچون، نهدن،
دۆنیانین گۆندوزو ماویلشیبدیر؟
بلکه ده سن ماوی گئییندیگیندن
یئر اۆزو، گؤی اۆزو
ماویلشیبدیر.
ائله بیل سنینتک بزنیب عالم،
سما دا، تورپاق دا،
سانکی ماویدیر!
بلکه خوشبختلرین خوشبختی منم،
بلکه سعادتین رنگی ماویدیر؟
نه اۆچون، نهدن،
سما دا ماویدیر،
تورپاق دا ماوی.
گؤرورم دۆنیانی باشقا رنگده من،
آغاج دا ماویدیر،
یارپاق دا ماوی.
اسیر هارادانسا سرین کۆلکلر،
داغدان ماوی-ماوی دومان سۆرونور.
ماوی کپهنکلر، ماوی چیچکلر،
ماوی چمنلر ده قشنگ گؤرونور.
سولارا یئل دییر، سولار تیترهییر،
یئرین ده منیمتک بؤیوک سیرّی وار.
سانکی افسانهوی نغمهلر دئییر
ماوی ساحیللره ماوی دالغالار.
رنگی بامباشقادیر چؤلون، دۆزون ده،
ماوی شفقلردیر چیلنن یئره،
اوچور گؤی اۆزونده بو ماوی گۆنده،
ماوی طیّارهلر ماویلیکلره.
من بلکه بیلیرم
نه اۆچون، نهدن،
دۆنیانین گۆندوزو ماویلشیبدیر؟
بلکه ده سن ماوی گئییندیگیندن
یئر اۆزو، گؤی اۆزو
ماویلشیبدیر.
ائله بیل سنینتک بزنیب عالم،
سما دا، تورپاق دا،
سانکی ماویدیر!
بلکه خوشبختلرین خوشبختی منم،
بلکه سعادتین رنگی ماویدیر؟