منی دۆشوندورور
بو غریبه سیرّ.
مین زحمت چکسه ده اینسان قؽش، باهار،
هر اکیلن توخوم نهدنسه بیتمیر،
بیتیر گؤبهلک تک قومارخانالار.
پول سانکی جیبلردن
آخان بیر سودور.
او، عادی سو دئییل، بلکه عۆمّاندیر؟
اوینایان چوخ واختی میلیونلار اودور،
چوخ واختی اودوزان اوینامایاندیر.
آخی، اودوزانین نه وئجینهدیر،
مگر پوللار اونون جیبیندن گئدیر؟
تانری، قورو بیزی بئلهلریندن،
دئ، هانی تورپاغا،
یوردا صداقت؟
اوینایان راحاتجا قالخیر یئریندن،
اودسا اؤزو اودور،
اودوزسا میلّتلی
سانکی گۆنش قاتی چنه بۆرونوب،
بشر بلالاری اۆرک قانادیر.
بلکه سیاست ده قومارا دؤنوب،
بلکه دۆنیا اؤزو قومارخانادیر؟
12 اوکتیابر ۱۹۹۷