منو
آلیب بو کۆلگی چیینیمه
آلیب بو کۆلگی چیینیمه
قالدیراجاغام
تۆستولو بورولارین زیروه‌سینه،
دۆیونله‌ییب تۆستو بولودونا
چکه‌جگم کۆلگی.
تۆستوده ایش گۆنلری،
دزگاه سسی،
فعله اۆرگی...
ایشیق یاندیراجاغام
میناره‌تک
گؤیلره دیره‌نن
بورولارین اۆستونده، -
مریم کیمی
باشیندا ایشیق هاله‌سی؛
گؤرنلر دئیه‌جک:
ظۆهر ائدیب عیسی‌نین آناسی...
آلیب بو کۆلگی چییینیمه
چؽرپاجاغام خزل پوللارا،
جیبلره گئدن
گیزلی یوللارا،
چؽرپاجاغام
آرخاسینجا کیشیدن چوخ
گؤز گزن
گؤزل دوللارا،
چؽرپاجاغام
هر گئجه بیرینه
ساریلان قوللارا...
توشلایاجاغام
کۆرسولردن دئییلن
صابون کؤپوکلو سؤزلره،
بو کۆلگی قوملا قاریشدیریب
چؽرپاجاغام
گئجه بارلاریندا
خومارلانان گؤزلره؛
آلیب بو کۆلگی چیینیمه
باهارا وئره‌جگم
چیچکلرله اویناسین.
پاییزا وئره‌جگم
یارپاقلارلا اویناسین،
قؽشا وئره‌جگم
بیاضلیق ایچینده
قارلا اویناسین.
سونرا چکیب جیگرلریمه
دولدوراجاغام
رئزین شارلاری،
قوی بو کۆلک
بیر آز دا
اوشاقلارلا اویناسین...
قالدیراجاغام
تۆستولو بورولارین زیروه‌سینه،
دۆیونله‌ییب تۆستو بولودونا
چکه‌جگم کۆلگی.
تۆستوده ایش گۆنلری،
دزگاه سسی،
فعله اۆرگی...
ایشیق یاندیراجاغام
میناره‌تک
گؤیلره دیره‌نن
بورولارین اۆستونده، -
مریم کیمی
باشیندا ایشیق هاله‌سی؛
گؤرنلر دئیه‌جک:
ظۆهر ائدیب عیسی‌نین آناسی...
آلیب بو کۆلگی چییینیمه
چؽرپاجاغام خزل پوللارا،
جیبلره گئدن
گیزلی یوللارا،
چؽرپاجاغام
آرخاسینجا کیشیدن چوخ
گؤز گزن
گؤزل دوللارا،
چؽرپاجاغام
هر گئجه بیرینه
ساریلان قوللارا...
توشلایاجاغام
کۆرسولردن دئییلن
صابون کؤپوکلو سؤزلره،
بو کۆلگی قوملا قاریشدیریب
چؽرپاجاغام
گئجه بارلاریندا
خومارلانان گؤزلره؛
آلیب بو کۆلگی چیینیمه
باهارا وئره‌جگم
چیچکلرله اویناسین.
پاییزا وئره‌جگم
یارپاقلارلا اویناسین،
قؽشا وئره‌جگم
بیاضلیق ایچینده
قارلا اویناسین.
سونرا چکیب جیگرلریمه
دولدوراجاغام
رئزین شارلاری،
قوی بو کۆلک
بیر آز دا
اوشاقلارلا اویناسین...