کۆچه‌دن توی کئچیر

کۆچه‌دن توی کئچیر بو آخشام یئنه،
دوداقدا تبسّوم، اۆزده سئوینج وار.
ائولر ده قول-قولا، چیین-چیینه
-ائله بۆ "یاللی"یا باشلایاجاقلار.

رقصدن آز قالیر سۆموکلر سؽنا،
بیر ماشین ایچینده ایکیدیر دۆنیا.
بیر قوجا سؤیکنیر ال آغاجینا،
کؤکسونو اؤتورور:
"آ گیدی دۆنیا...".

گلینلیک دوواغی بۆرونوب آفت،
ماشینین اۆستونده قؽرمیزی بیر شال
بیری‌نین یولونو کسدین -
جینایت،
تویون قاباغینی کسدین -
نمر آل.

وارینی جئهیزده وئرن آنالار:
"برکت ائویمین داشینا" دئییر.
ائوینی گلینسیز گؤرن آنالار:
"ساغ الین اوغلومون باشینا" دئییر...

کۆچه‌دن توی کئچیر،
دایانیر صؤحبت،
هامی بو سئوینجین سئلیندن ایچیر.
بیری‌نین ائویندن قیز کؤچور، فقط،
بیری‌نین عؤمروندن سوبایلیق کؤچور...