سن اوشاق دئییلسن کی...

سن اوشاق دئییلسن کی،
دیمه-دۆشر اولاسان،
هر شیرین اوخشامایا،
وعدلره آلداناسان...
سن اوشاق دئییلسن کی،
حئیرتین بؤیوک اولا،
ائوجیک یاپدیغیم یئرده
بیر اوووج شۆشه قالا
سؽنمیش بیر اۆرک کیمی...
سن اوشاق دئییلسن کی،
سؤیله‌ییم کی، محبّت
اینسان عؤمرو اۆچوندور
سو کیمی، چؤرک کیمی.
سؽغینیبدیر وۆقاریم،
سئوگیم، غئیرتیم سنه،
ائه، من ده لاپ اوشاغام؛
سن اوشاق دئییلسن کی،
سئوگی اؤیردیم سنه...