سؤزلر نیه بئله قلبه دییرلر؟
اۆرکسیز گؤروشدن دویموشوق داها.
فیللر اؤلومونو دویور دئییرلر،
بیز ده آیریلیغی دویموشوق داها...
گؤروش یئریمیزده یاشیل بۆرونن
او آغاج جیلدینی قوش تک اوچوردو.
سن ایکی یارپاغی بیز ایدیک دۆنن،
بیزی ده محبّت پاییزی ووردو.
کۆلک یارپاقلاری گزدیریر وئییل،
کؤهنه یورد یئریمی، گؤروش یئریمیز؟
تؤکولن یارپاقمی...
یوخ، یارپاق دئییل،
یاغیر اۆستوموزه گیلئیلریمیز.
چوخدان اوخوموشوق گؤزلریمیزی،
گؤزلر ایستیگنی آزدیرا بیلمیر.
بوز کیمی سویوموش سؤزلریمیزی
اودلو دوداقلار دا قؽزدیرا بیلمیر.
بیز گؤروش یئرینه آیاق دؤیوروک،
هارداسا سئوگینین قؽریلیب سسی.
بازار ائرتهسینه آغیر دئییریک
-هر گؤروش بیزیمچون بازار ائرتهسی.
سؤزلر نیه بئله قلبه دییرلر؟
اۆرکسیز گؤروشدن دویموشوق داها.
فیللر اؤلومونو دویور دئییرلر
بیز ده آیریلیغی دویموشوق داها...