اینجیییب اودلارا سالما کؤنلومو،
غضب دویغولاردان بیر تونقال قالار.
گؤردون فیکیرلییم آلما کؤنلومو.
اللرین هاوادان آسیلی قالار.
بوراخ فؽکیرلرین قوینونا منی،
گؤزلهمه علاجسیز تبسّوملری.
آخشام گؤررسن کی، گۆلدوروب سنی،
یئنی بیر شعرله دؤنموشم گئری.
مین گۆجون دیزینی بیر حیله بۆکر،
بیر باغلی قؤنچهده مین حیکمت یاتار.
بیر گۆله کؤنولسوز توخونسام اگر،
لچکلر تیکان تک الیمه باتار.
یئنه باخیشلارین نیه یول چکر؟
بیر ایستک، بیر دویغو قلبیمی دؤیر.
کونولسوز تئلینی اوخشاسام اگر،
ساچینین هر بیری شاهمارا دؤنر.
بلکه ده قادینا بونلار خوش دئییل،
آخی، نوازیشدیر اونون تملی.
فیکیرلی اولاندا سینهم بوش دئییل،
کؤنلومه فیکیرلر دولور دئمهلی...