آغلایا بیلمیرم، آنا

آغلایا بیلمیرم، آنا،
گیله-گیله اریمکدن قورخورام.
شیمشکلرله اویناییرام
بو داغلارا چؽخالی،
کۆلکلرله داغیلیبدیر
ساچلاریمین سؽغالی...
اتکلرده یئریمگه،
یۆیورمگه دۆز چوخدور.
اۆزوم اۆزلر گؤروبدور،
گؤره‌جگیم اۆز چوخدور.
باش قویوب راحات-راحات
اویماغا دیز چوخدور،
هر دیزه ده باش قویوب
آغلاماق اولمور، آنا!...
یوللاریما قایغی‌یلا
یاغان یاغیشلار دا وار،
آیاغیما دولاشیب
چیلیک-چیلیک دوغرانان.
سؽنان باخیشلار دا وار...
بویدا مندن ده اوجا
نئچه قلبی خؽردا وار.
شۆشه باخیشلار چوخدور
بیر داشلا هامی‌سینی
سؽندیرماق اولمور، آنا!
هر قلبه بیر-بیر گیریب
اینام چؽراغینی دا
یاندیرماق اولمور، آنا!
اۆرگیمده آغریلار
گزیرم گۆله-گۆله...
هر نادان گؤره-گؤره
آغلاماق اولمور، آنا،
اولمور،
آی آنام، اولمور!