منو
آغری
... بو آغاجین اؤتن ایل کسیلمیش
بارلی بوداغی‌نین
اوجاقدا تۆستولنن آغری‌سینی
بولودلار گؤز یاشی‌یلا قایتاریر.
بولودلو هاوالاردا
توتقون گؤی اۆزونون
قاش-قاباقلی آغری‌سی
جرّاح بؽچاغیندان کئچیر،
اؤلو دوغموش آنالارین
بوش قالمیش قوجاغیندان کئچیر...
«گؤزللیک سالونلاریندا»
کسیلن هؤروکلرین
دؤشه‌مگه سپیلن آغری‌سی
سۆپورگه تئللرینده کۆنجه
قویولور.
میشارلانیب
ابدی دینجه قویولموش آیاقلارین
قارالمیش بارماقلاری‌نین
بولودلو هاوالاردا
ایندی ده دویولان آغری‌سینی
کسه بیلمه‌دی حکیم...
هله ده آغری‌ییر
ننه‌مین آغیسی،
هله ده آغری‌ییر
داوا ایللری‌نین قارا کاغیذی.
دۆنیایا آغری ایله گلدیگیمیزدن،
آغلادیق آغریلی گۆنونه آنامیزین.
او گۆندن هانامیزین
اریشینه سئوینج
آرغاجینا کدر قویدوق.
آغریمیزی آپارانین آدینی حکیم،
سئوینجیمیزی قوپارانین آدینی.
اوغرو قویدوق.
بازارلاردا سئوینجله ساتدیلار بیزه
آغریلی قرنفیل‌لری،
آغری‌سینی دویمادان
قرنفیل‌له سئویندیردیک
کؤنوللری...
آغریدان باغیریر دان اۆزو،
دان اۆزونده قان ایزی؛
سئونلره دۆنیا
قو یاتاغی.
کیملره‌سه
بو دۆنیا بیر آغری دنیزی...
بارلی بوداغی‌نین
اوجاقدا تۆستولنن آغری‌سینی
بولودلار گؤز یاشی‌یلا قایتاریر.
بولودلو هاوالاردا
توتقون گؤی اۆزونون
قاش-قاباقلی آغری‌سی
جرّاح بؽچاغیندان کئچیر،
اؤلو دوغموش آنالارین
بوش قالمیش قوجاغیندان کئچیر...
«گؤزللیک سالونلاریندا»
کسیلن هؤروکلرین
دؤشه‌مگه سپیلن آغری‌سی
سۆپورگه تئللرینده کۆنجه
قویولور.
میشارلانیب
ابدی دینجه قویولموش آیاقلارین
قارالمیش بارماقلاری‌نین
بولودلو هاوالاردا
ایندی ده دویولان آغری‌سینی
کسه بیلمه‌دی حکیم...
هله ده آغری‌ییر
ننه‌مین آغیسی،
هله ده آغری‌ییر
داوا ایللری‌نین قارا کاغیذی.
دۆنیایا آغری ایله گلدیگیمیزدن،
آغلادیق آغریلی گۆنونه آنامیزین.
او گۆندن هانامیزین
اریشینه سئوینج
آرغاجینا کدر قویدوق.
آغریمیزی آپارانین آدینی حکیم،
سئوینجیمیزی قوپارانین آدینی.
اوغرو قویدوق.
بازارلاردا سئوینجله ساتدیلار بیزه
آغریلی قرنفیل‌لری،
آغری‌سینی دویمادان
قرنفیل‌له سئویندیردیک
کؤنوللری...
آغریدان باغیریر دان اۆزو،
دان اۆزونده قان ایزی؛
سئونلره دۆنیا
قو یاتاغی.
کیملره‌سه
بو دۆنیا بیر آغری دنیزی...