منو
سئیّد احمد
ایلانی سئیّد احمد الی ایله توتارلار.
خالق مثلی.
ایلانلار اؤیرندی الینه سنین،
سئوگی‌یله دولاندی بئلینه سنین،
نه دئدین،
سؤزونه باخدی ایلانلار.
دیلینله یووادان چؽخدی ایلانلار.
سانجماغا او قدر آدام وار ایدی،
او قدر مین‌اۆزلو نادان وار ایدی،
زهری دیشینه سؽخانلار واردی،
قورولو ائولری یؽخانلار واردی،
آغلایانا گۆلوب باخانلار واردی،
تکجه ایلانلاردان قورخانلار واردی...
سنین افسونونلا اوددولار اونلار،
ایلانی الینله توتدولار اونلار.
مین جۆره حیله‌یه، یالانا اویوب،
سن ایکی‌آیاقلی ایلانی قویوب
سۆرونن ایلانی توتدوغون یئرده
الین قورویایدی، آی سئیّد احمد!
بو ایلان تک سنه جان-جان دئییر کی،
دیمه‌سن بو ایلان سانجان دئییل کی،
بیر دار یوواسی وار بویونا گؤره،
سن شیری اؤلدورمه قویونا گؤره!...
قؽزیلدان باهادیر زهری اونون،
مین درده داوادیر زهری اونون...
یانیندا قؽوریلان آداملارا باخ،
حسددن قوورولان آداملارا باخ،
پیسلیکدن یوغرولان آداملارا باخ،
ایلان‌تک دوغولان آداملارا باخ!
یولدان چؽخاریبلار الینی سنین،
قوربان وئرردیلر اؤولادلارینی
توتا بیلسه‌یدیلر یئرینی سنین...
مین جۆره حیله‌یه، یالانا اویوب،
سن ایکی‌آیاقلی ایلانی قویوب
سۆرونن ایلانی توتدوغون یئرده
الین قورویایدی، آی سئیّد احمد!
نه اولسون ایلانلار هاچادیل‌لیدیر،
هاچادیل‌لی‌لردن قاچا بیلدیمی؟
قاناد وئردیکلرین اوچا بیلدیمی؟
تورپاقدا سۆرونور، آی سئیّد احمد!
یالتاغین هرزه‌سی جیبینده گزیر،
کیمی‌نین عریضه‌سی جیبینده گزیر،
ایلانین گۆرزه‌سی جیبینده گزیر،
قویروغو گؤرونور، آی سئیّد احمد!
یاخشینی گیزلدیب پیسلیک قؽیانلار،
بۆلبولو یولانلار، ایلان‌سویانلار،
ایلان‌تک مین دفعه قابیق قویانلار
ایپگه بۆرونور، آی سئیّد احمد!
یاندیم، اؤز اودوما آلیشدیم، قارداش،
منی چالانلارلا تانیشدیم، قارداش،
ایلانلان او قدر دانیشدیم، قارداش،
ائه یئرین گؤرونور، آی سئیّد احمد!...
خالق مثلی.
ایلانلار اؤیرندی الینه سنین،
سئوگی‌یله دولاندی بئلینه سنین،
نه دئدین،
سؤزونه باخدی ایلانلار.
دیلینله یووادان چؽخدی ایلانلار.
سانجماغا او قدر آدام وار ایدی،
او قدر مین‌اۆزلو نادان وار ایدی،
زهری دیشینه سؽخانلار واردی،
قورولو ائولری یؽخانلار واردی،
آغلایانا گۆلوب باخانلار واردی،
تکجه ایلانلاردان قورخانلار واردی...
سنین افسونونلا اوددولار اونلار،
ایلانی الینله توتدولار اونلار.
مین جۆره حیله‌یه، یالانا اویوب،
سن ایکی‌آیاقلی ایلانی قویوب
سۆرونن ایلانی توتدوغون یئرده
الین قورویایدی، آی سئیّد احمد!
بو ایلان تک سنه جان-جان دئییر کی،
دیمه‌سن بو ایلان سانجان دئییل کی،
بیر دار یوواسی وار بویونا گؤره،
سن شیری اؤلدورمه قویونا گؤره!...
قؽزیلدان باهادیر زهری اونون،
مین درده داوادیر زهری اونون...
یانیندا قؽوریلان آداملارا باخ،
حسددن قوورولان آداملارا باخ،
پیسلیکدن یوغرولان آداملارا باخ،
ایلان‌تک دوغولان آداملارا باخ!
یولدان چؽخاریبلار الینی سنین،
قوربان وئرردیلر اؤولادلارینی
توتا بیلسه‌یدیلر یئرینی سنین...
مین جۆره حیله‌یه، یالانا اویوب،
سن ایکی‌آیاقلی ایلانی قویوب
سۆرونن ایلانی توتدوغون یئرده
الین قورویایدی، آی سئیّد احمد!
نه اولسون ایلانلار هاچادیل‌لیدیر،
هاچادیل‌لی‌لردن قاچا بیلدیمی؟
قاناد وئردیکلرین اوچا بیلدیمی؟
تورپاقدا سۆرونور، آی سئیّد احمد!
یالتاغین هرزه‌سی جیبینده گزیر،
کیمی‌نین عریضه‌سی جیبینده گزیر،
ایلانین گۆرزه‌سی جیبینده گزیر،
قویروغو گؤرونور، آی سئیّد احمد!
یاخشینی گیزلدیب پیسلیک قؽیانلار،
بۆلبولو یولانلار، ایلان‌سویانلار،
ایلان‌تک مین دفعه قابیق قویانلار
ایپگه بۆرونور، آی سئیّد احمد!
یاندیم، اؤز اودوما آلیشدیم، قارداش،
منی چالانلارلا تانیشدیم، قارداش،
ایلانلان او قدر دانیشدیم، قارداش،
ائه یئرین گؤرونور، آی سئیّد احمد!...