واختلی-واختسیز بیر اؤلومدور، گلهجک،
بوغوب منی قه-قه چکیب گۆلهجک.
آچیق قالان گؤزلریمسه گؤرهجک،
قاپامایین گؤزلریمی، آماندیر.
باخاجاغام یوردومون دان اۆزونه،
تاریخینده قورویان قان ایزینه.
گؤزوم دؤنر بیر توفان دنیزینه،
قاپامایین گؤزلریمی، آماندیر!
بیر جۆت چیچک - گؤزلریمدیر، باخاجاق،
زیروهلره، ایزلریمدیر، چؽخاجاق.
بیر بولاغا قوشولاراق آخاجاق
قاپامایین گؤزلریمی، آماندیر!
اولدوزلارا قوشولاراق هر گئجه،
دؤنهجکدیر گؤی اۆزونده نرگیزه،
آنا یوردوم گؤزللیگه سرگیسه
قاپامایین گؤزلریمی، آماندیر!
گۆله-گۆله قوووشاندا ایل-ایله،
گؤرهجگم آراز آخیر گۆل ایله،
ایمکان اولسا قؽلینج قویون قبریمه،