اؤزون ممتاز اولوب، عشاق آرا قؤوسینی ممتاز ائت!

گتیر ساقی شراب ناب، مطرب سازینی ساز ائت!
چکیب بیر نالۀ بولبول لری دؤرد یان دان آواز ائت!
منه بولبول کیمی هر گول بوداغی دلنشین اولماز.
اگر بیر بئله سروین وار ایسه، ای باغبان ناز ائت!
دیلیم دوتدوقجا افغان ائیله دیم، فریادینا یئتدیم،
نفسدن دوشدوم آخیر سن هم، ای بی فیکر، دمساز ائت!
اگر عاشیق گؤزوندن اؤز جمالین گؤرمک ایسترسن،
منیم آیینه می، ای سنگدل زینهار پرواز ائت!
گؤزون هرچند ساحردیر، حبیبیم، دلروبالیقدا،
دم جان بخش ایله گؤفتاره گل، اول سئهری اعجاز ائت!
ایتیرمه ال-آیاغین، ای نگاهی، عجز تانری ایچون،
اونا احوالیمی عرض ائیله، آمما چوخ سؤزو آز ائت!
وفا و مهر ایله، ای سروقد، خوبلار آراسیندا،
اؤزون ممتاز اولوب، عشاق آرا قؤوسینی ممتاز ائت!