سنین چون آغزینی قند مکرر ائیله مز شیرین

تونوک ظرفم، منی ساقی الیندن گلسه هوشیار ائت،
اگر اهمال ائدیرسن بس خبردار اول، خبردار ائت!
منه چوخ روخست گؤفتار اول شیرین زبان وئرمز،
اونا راز دلیم، ای خامه، بیر رنگیله اظهار ائت!
بو حالیلن شب هیجراندا، بی رحم، آلمادین جانیم،
منی مندن آلیب، یارب، منیمله یاریمی یار ائت!
طبیبیمدن دوا اومدوم آیاغین چکدی باشیمدان،
اونا سن درد بی درمانیمی ای زف اظهار ائت!
سؤز ایله نازنین لر عشق دردینه اینانمازلار،
بو دیل بیلمزلری، یارب، گرفتار ائت، خبردار ائت!
سنین فریادینا اون سنگدل وئرمز قولاق، آمما،
اونا احوالیمی ای نئی، دیلین توتدوقجا تکرار ائت!
گل اول خورشیددن چشمیم سارایین رؤوشن ایسترسن،
فلک مهدینده بختیم کووکبین، ای ناله، بیدار ائت!
سنین چون آغزینی قند مکرر ائیله مز شیرین،
همن قؤوسی نیهان ائلدن اونون آدینی تکرار ائت!