سیّد اول گول کی، اولوب زایر خاک حرمین

ای گؤزون عین خدا، “نون قلم” قاش سنه،
وئردی اؤز صورتینی نقشده نقاش سنه.
سنسن اول پادشه مسند عزت کیم، اولوب
روسول سابیقه، یول آچماغا فراش سنه.
سجدۀ آدمه ظاهرده اولوندو تکلیف،
ائندیریب عالم باطنده ملک باش سنه.
خلقت خشک و تره اولدو وجودون باعث،
بنده فرماندی بو گون هر قورو، هر یاش سنه.
سنگریزه دل آچیب اولدو گواه حالین،
نرم اولونسا نه عجب هر جگری داش سنه.
شب معراجده گئتدین، صنما، بیر یول کیم،
جبرئیل اولمادی گئتمکلیگه یولداش سنه.
عرض حالیمدی سنه سوز دل زاریمدان
گؤزلریمدن تؤکولوب قانلی آخان یاش سنه.
سیّد اول گول کی، اولوب زایر خاک حرمین،
جانینی بذل قیلایدی او گون، ای کاش، سنه.