اول زلف سیه دن بو شب وصلده، سیّد

میخانه طرف ساقی، آمان دیر، گذرایله،
تئز گل، بیر آیاغ ایله دماغیمی ترایله.
هرچند کی، من تانیمیرام باشلا آیاغیم،
سن دولدور ایاغی، منی بوندان بترایله.
سرمست اؤلورم، گئت منی دفن ائتمگه، ساقی،
ریندان خراباته بو ایشدن خبرایله.
یاندین نئجه سن ایندی، کؤنول، نار فراقه،
یوز دفعه دئدیم عشق دن، آخر، حذرایله.
ای دل، اگر اول غمزۀ خونخواری سئویرسن،
جان جوشنینی تیر بلایه سپرایله.
صدپاره کؤنول، خوف ائلمه تیر بلادن،
مردانه بو میدانه قدم قوی، جگرایله.
ای ناله لریم، گلدی اودور قتلیم اوچون یار،
کیم دئدی سنه گئت دل یاره اثرایله.
اول زلف سیه دن بو شب وصلده، سیّد،
طولانی شکایتلروی مختصرایله.