گه جور و، گه خطاو، گه آزار و، گاه خیشم

بس کی، وئریر جفا لری هردم صفا منه،
شادم کی، دایم ائیلر او گولروخ جفا منه.
بس کی، جفا لرایله کؤنول عادت ایله‌ییب،
ایندی گلیر جفا، اگر ائتسه وفا منه.
اول آشنا کی، قطع ائله‌دی مندن الفتین،
بیگانه طعنه ائیله دی، هم آشنا منه.
دئرلر کی، وصل یارده بیر اؤزگه حال وار،
بیرجه نصیب ائدیدی او حالی خدا منه.
عطشان جام وصلینم، ای خیضرخت، اگر
ایچسم، ایلاهی، زهر اولا آب بقا منه.
سلطان وادیی المم، درد و غم سپاه،
عشق ایچره گؤر جلالیمی، قیل مرحبا منه.
گه جور و، گه خطاو، گه آزار و، گاه خیشم،
سیّد، او شوخ هردم ائدر بیر عطا منه.