ای خداوند احد، اؤز بیرلیگین حقی، منیم

ایسترم گؤرمک سنی بیر شخصه امکان اولماسین،
مندن اؤزگه حسنوه بیر کس نگهبان اولماسین.
دوشمه یه تا کی، یئر اوزره سایۀ نخل قدین،
گئجه‌لر شمع و گونوزلر مهر رخشان اولماسین.
ایسترم بیر خاص خلوت یارایله عالمده کیم،
واقفی اول خلوتین تا کی دل و جان اولماسین.
جان و دل بیگانه دیر بزم وصال یارده،
آشنانین بزمینه بیگانه مهمان اولماسین.
خارلر هردم گؤرور، ای گول بدن، رخساروی،
رشک دن غنچه کیمی کؤنلوم نئجه قان اولماسین؟
ایسترم جانیم آلیب، بوینوما سالسین زلفونو،
یا رب، اول گولروخ بو سودادن پشیمان اولماسین.
اول بت ترساده هر کیم گؤرسه نور وحدتی،
هیچ ممکندورمو او عشق ایله صنعان اولماسین؟
زلفو رخساری خیالی روز و شب بسدیر اونا،
عاشیقین کؤنلونده فکر کفر و ایمان اولماسین.
اؤزگه عالم دیر حقیقتده بو وحدت عالمی،
کسرت ایله عاشیقین حالی پریشان اولماسین.
ای خداوند احد، اؤز بیرلیگین حقی، منیم
خاطریم، سیّد کیمی غمدن هراسان اولماسین.