سیّد، دهن یاردن ائتمه بو قدر بحث

واعظ، دئمه کیم، زایل ائدر عقلی پیاله،
بیللاه کی، پیاله گتیریر مردی کماله.
سن اؤزگه گناه ائیله‌مه، ایچ بادۀ گولگون،
اوندان نه گناه اولسا، منه ایله حواله.
من مجتهد عصر، جاهان اهلی مقّلد،
تجویز مئی نابه یازیلدی بو رساله.
خطدیرمی توتان دور روخ دلبری، یا کیم،
مشک ایله چکیلدی گئنه آی دورونه حاله.
نازیکدی گول، امّا هانی گولده بو لطافت،
ای “صل علی آل محمد”* بو جماله.
عهد ائیله‌میشم، کؤنلومو زلفوندن آلان گون،
قربان ائلییم گوشۀ چشمین دکی خاله.
سیّد، دهن یاردن ائتمه بو قدر بحث،
یوخ دان نه دانیشماق، نه دوشورسن بئله قاله.
——————————————————
* محمد و عائله سینه سلام اولسون.