سیّد، اول کعبۀ حسن ایله کی، اولدوم همدم،

منه مهمان ایدی اول سرو خرامان بو گئجه،
محفلیم اولموش ایدی رشک گولوستان بو گئجه.
همدمیم حور ایدی، جامیمدا شرابیم کوثر،
منزل اولموشدو منه روضۀ رضوان بو گئجه.
ظلمت زلفده گؤردوم دهن یاری گئنه،
خیضرا ال وئرمیش ایدی چشمۀ حیوان بو گئجه.
نصف شبده منه هم بزم ایدی اول قاشی هلال،
بزمده دورموش ایدی سان مه تابان بو گئجه.
دهن یار خیالیله یوخ ایدی واریم،
وار ایدی بزمده چوخ نکتۀ پنهان بو گئجه.
لحن داودی ایله کؤنلومو آلدی اول شوخ،
التفاط ائتمیش ایدی موره سلیمان بو گئجه.
او مئین قطره سی یوز لعل بدخشانه دگر
کی، دگردی اونا هردم لب جانان بو گئجه.
سیّد، اول کعبۀ حسن ایله کی، اولدوم همدم،
کاش اولایدیم، دولانیب باشینا، قربان بو گئجه.