منو
گئتمه جمعیت اغیاره سن، ای زلفی سیاه،
دئدیم، ای سرو روان، گول کیمی خندان گزمه،
ایله‌ییب لاله صفت باغریمی گل قان، گزمه.
دئگیلم، ایکی گؤزوم اولسا دا، من خاطرجمع،
ای گؤزوم نوری، گؤزومدن بئله پنهان گزمه.
خاتم لعلوه تا یئتمه یه اهریمن الی،
ای پری، یارین اگر اولسا سلیمان، گزمه.
چیخما یاریم، گئجه‌لر تیشرا سن اغیارایله،
قورخورام حسنوه، ای مه، یئته نقصان، گزمه.
دانیشیرلار هامی، ائل آغزینی توتماق اولماز،
ای گول غنچه دهن، خارایله هر یان گزمه.
فاش اولان نکته‌دی غیرایله دهانین سرّی،
سانما اول نکته سر مو قالا پنهان، گزمه.
گئتمه جمعیت اغیاره سن، ای زلفی سیاه،
سیّد زاری ائدیب حالی پریشان، گزمه.