هر ایشیندن ائله یه توبه، یقین دیر، سیّد

من دئدیم دلبره قیل جور وجفادن توبه،
گؤر کی، تأثیر نفس قیلدی وفادن توبه.
زلف مشکینوه کیم، نافۀ چین سؤیله‌میشم
توبه، ای گؤزلری آهو، بو خطادن توبه.
بو ریا اوزره اوتورما، بو ریادن بیر اوسان،
اوغلون اؤلسون، ائله زاهد، بو ریادن توبه.
تنگدل ائتمیش ایمیش خیضری غم طعنهایی،
دون گئجه گؤردوم ائدیب آب بقادن توبه.
یوخ ایمیش خلوت یاره یولو، گئتدیم گؤردوم،
ائیله‌دیم همدمییی باد صبادن توبه.
شورب مئی، توبه، موقفا گؤرونوب بیر بیرینه،
قورخما، مئی ایچ، ائله من کیمی قفادن توبه.
هر ایشیندن ائله یه توبه، یقین دیر، سیّد
چکمز ال بعددن، ائتمز بو ادادن توبه.