آند ایچیب سیّد عاشیقین اولدو

عاشیقم، عاشیقم نگاره قسم،
او سیه چشم پرخماره قسم.
روزگاریم قارالدی زلفون تک،
او سر زلف مشکباره قسم.
عشقوه، ای نگار، مجبورم،
او گئدن الدن اختیاره قسم.
چکمرم هیچ دامه نیندن ال
وئرمه سن کام، کیردگاره قسم.
آغلارام اول قدر کی، غرق اولوسان،
لوجۀ چشم اشکباره قسم.
منه تلخ ائتدی عمرو هجرانین،
لذت ذوق وصل یاره قسم.
قاشین، ای زلفو قاره، قتلیم ائدر،
او ایکی باشلی ذوالفقاره قسم.
آند ایچیب سیّد عاشیقین اولدو،
مصحف حسنوه دوباره، قسم.