سوردوم اسرار دهانین دون او شکّرلب دئدی:

یارایله فرصت تاپیب بیر دم کی، گفتار ائیلرم،
ذوق دن گوللم، اونو یوز دفعه تکرار ائیلرم.
قوی رقیب ائتسین منه افزون جفا کیم، هر زامان
بیر شکایت اوچون گئدیب یارایله گفتار ائیلرم.
پادشاهیم، سن منی تک قیل قبول خیدمتین،
من گدای کویین اولماقدان مگر عار ائیلرم؟
غیرایله گؤرمک دوشر یادیمه، اؤللم رشک دن،
هر زامان کیم، کوی یاره عزم دیدار ائیلرم.
سوردوم اسرار دهانین دون او شکّرلب دئدی:
سیّدا، عالمده من یوخ دان سؤزو وار ائیلرم.