او زلفو، سیّدا، قیلدی حماییل

گیریب حمام آرا دلداری گؤردوم،
تجّلادن عیان دیداری گؤردوم.
بدن سو ایچره، باش سودن کناره،
سو ایچره شعله چکمیش ناری گؤردوم.
داغیتدی کاکیلینی شانه هر یان،
پریشان نافع تاتاری گؤردوم.
نهان اولدو پری تک خلوتینده،
او خلوتده اولان اسراری گؤردوم.
گؤزوم دوشدو او بادام دومغزه،
دولو بادامدن آنباری گؤردوم.
سولاندی شربت شکّردن آغزیم،
بورهنه چون سورئین یاری گؤردوم.
او زلفو، سیّدا، قیلدی حماییل،
سنین بوینوندا من زنّاری گؤردوم.