قدرینی بیلمه سن اول کعبۀ حسنون، سیّد

منی هر کیم ائدیب اول ماه لیقادن محروم،
گؤروم اولسون اونو الطاف خدادن محروم.
غنچۀ دل نه وسایتله گوشاییش تاپسین،
گولشن عیشیم اولوب باد صبادن محروم.
قویدو سوزان، ائدیب اول صاعقۀ حسن و جمال
نخل امیدیمیزی نشو نمادن محروم.
توتمایان عالم آرا پیر مغان دامنینی،
وادیی غمده قالیر راهنومادن محروم.
سیندی سندن، دخی دل ناله و فریاد ائتمز،
چینی اولمازمی شکست، اولسا صدادن محروم؟
گلمیشم کویوه یوز سعی ایله جان وئرمک اوچون،
منی قایتارما، خلیلیم، بو مینادن محروم.
قدرینی بیلمه سن اول کعبۀ حسنون، سیّد،
ائیله سین حق سنی عالمده صفادن محروم.