سیّد دئگیلم نیسیه سؤزه باور ائدم من

دئرسن منه کیم، حور قیلمان اولا جاق دیر،
قسمت سنه اول کوثر رضوان اولا جاق دیر.
بسدیر منه بو ساقی ایله بادۀ گولگون،
منزل گهیمیز صحن گولوستان اولا جاق دیر.
دنیادا گرک یار پریوش، مئ بی غش،
عقبایه باخان کیمسه پشیمان اولا جاق دیر.
بو نقدی قویوب نیسیه دالینجا نه گئدیم من،
نقدینی وئرن نیسیه یه نادان اولا جاق دیر.
ساقی منه قیلماندی، شرابیم مئ کوثر،
واعظ جگری حسرت ایله قان اولا جاق دیر.
فوت ائیله‌مه بو فرصتی، ای عاقل و هوشیار،
عمرون گئده جک، دهر اؤزو ویران اولا جاق دیر،
سیّد دئگیلم نیسیه سؤزه باور ائدم من،
نقد هنریم جامه گیروگان اولا جاق دیر.