منو
سیّدا، قورخما کی، عالمده خداوند احد
غنچه نین باغرینی اززلده فلک قان ائیلر،
سونرا کؤنلونو آچیب دهرده خندان ائیلر.
سلطنت تختینه بیر پایهدی زیندان، ای دل،
یوسفی عزت اوچون ساکین زیندان ائیلر.
چکمه سه رنج کیشی گنجه اولورمو واصیل،
رسم دیر، رنج چکن کارینی آسان ائیلر.
صبر اییوب گرک عاشیق دلی سوخته ده،
عاقبت لطف خدا دردینه درمان ائیلر.
اولماسا کار پریشان، اونا سامان اولماز،
هر پریشانلیغا تانری اؤزو سامان ائیلر.
بیر دوشیدی الیمه وصل، دئیدیم بیر بیر
بو جفا لر کی، منه محنت هجران ائیلر.
سیّدا، قورخما کی، عالمده خداوند احد
سنی عزتله در دولته دربان ائیلر.