وئرمیسن دل گئجه سن هانسی لب مرجانه

لبینی آچسا او گول محفله شکّر تؤکولور،
لفظی تکرار ائله سه قند مکر تؤکولور.
نکهت عنبر سارا بورویر آفاقی،
هر زامان کیم، اوزوه زلف مونبر تؤکولور.
صورتین عکسی اگر دوشسه، سنین، آیینه یه،
حشردک آیینه دن لالۀ احمر تؤکولور.
ایله سم عارض زیباسینا بیر اوغرو نگاه،
غمزه سیندن او بوتون اوستومه خنجر تؤکولور.
بو گئجه ایچمیسن، ای لاله روخ، اول قدر شراب،
مست و مخمور گؤزوندن مئ خول لر تؤکولور.
وئرمیسن دل گئجه سن هانسی لب مرجانه،
سیّدا، شعر تریندن دورو گوهر تؤکولور.