سیّد دئگیلم بند اولام هر بیر گول آله

یوز سرو خرامان اولا، کؤنلوم سنی ایستر،
یوز باغ گولوستان اولا، کؤنلوم سنی ایستر.
یوز زؤهره جبین، ماه لیقا، مهر دل آرا،
یوز مین مه تابان اولا، کؤنلوم سنی ایستر.
بو ظلمت زلفونده لبین آب بقامیز،
یوز چشمۀ حیوان اولا، کؤنلوم سنی ایستر.
ای خوب لرین شاهی، کؤنول دور سنه طالب،
عالم هامی خوبان اولا، کؤنلوم سنی ایستر.
ای دوست، بیزه حور قیلمان نه گرک دیر،
یوز حور قیلمان اولا، کؤنلوم سنی ایستر.
سیّد دئگیلم بند اولام هر بیر گول آله،
یوز غنچۀ خندان اولا، کؤنلوم سنی ایستر.