من چکدیگیم بلا لری، ای سیّد حزین

دنیاده عشق قدرینی هوشیار اولان بیلیر،
آزاده لیک صفاسینی بیدار اولان بیلیر.
خورشید قدرینی نه بیلیر هوشی کورلر.
بو فیض نوری صاحب ابثار اولان بیلیر.
قدر کما ل حسنو بیلیر عاشیق حزین،
البته، قدر ضری خریدار اولان بیلیر.
قال اهلی بیلمه سه دهنین سرّین، عیبی یوخ،
سربسته سرّی محرم اسرار اولان بیلیر.
عاشیق چکن قارا گونو ایام هجرده،
سئودای زلفون ایله گونو تار اولان بیلیر.
چشمیندن اؤزگه حال دلیم کیمسه بیلمییر،
بیمارلر بلاسینی بیمار اولان بیلیر.
من چکدیگیم بلا لری، ای سیّد حزین،
درد فراق یاره گرفتار اولان بیلیر.