یئریدی یاخسا منی چرخ ناره، ای سیّد

اسیر درد و غم هجر جان شکار اولدوم،
ندن کی، قورخور ایدیم من اونا دوچار اولدوم.
او گولعذاردن آخر منی آییردی فلک،
باهاریم اولدو خزان، موبتلای خار اولدوم.
اولوبدو تحت فلک تنگ بیت ال احزانیم،
فراق یوسف ایله خاک و خاکسار اولدوم.
دؤنوب کناره لریم رود نیله اشکیمدن،
او وقتدن کی، من اول ماه دن کنار اولدوم.
آییردی یوسفی مندن برادران غیور،
بلای هجرده من زار و بیقرار اولدوم.
نه جورم ائتمیش ایدیم، ای خدای پاک و احد،
یانیب فراق اودونا من اسیر نار اولدوم.
یئریدی یاخسا منی چرخ ناره، ای سیّد،
کی، بیوفا لره من چون امیدوار اولدوم.