قاشینی چکمگه اسباب اولماسا، سیّد

آلاندا دستینه اول شوخ گولعذار قلم،
الیندن اولماغینی ایسته مز کنار قلم.
قلم اؤزو ختن آهوسودور و یا اینکیم،
هوای زلفو ایله اولدو مشکبار قلم.
اؤپردیم اللرینی اول قلمقاشین من ده،
منی ائدیدی اگر خلق کیردگار قلم.
دهانی ایله قلم باشین ائتدن پاک او گول،
یئتیشدی چشمۀ حیوانه خیضر وار قلم.
ایکی دل آچدی کی، وصف ایله سین او گول بدنی
فضیلت و هنرین ائتدی آشکار قلم.
کسیدی باشیمی تیغ جفا ایله هر دم،
خیال ائدیدی منی کاش اول نگار، قلم.
قاشینی چکمگه اسباب اولماسا، سیّد،
ازلده ائتمز ایدی خلق کیردگار قلم.