سیّدا، بسدی دله عشق خداوند احد

لب لعلین هوسین، مونس جان ائیله منم،
سالمانام گوهری خاک ایچره، نهان ائیله منم.
بیلمنم سود اؤزومه چارسوی عالمده،
هانسی بیر سودی کی، عشقینده ضیا ائیله منم.
لب لعلینله کی، بیر سرّ نهانیم وار ایدی،
گئدرم خاکه من اول سرّی بیان ائیله منم.
قانیمی تؤکدو لبین، دیشلدیم آخدی قانی،
ائله بیلدین، صنما، قانیما قان ائیله منم.
قورخورام یاتمایالار ایتلری فریادیمدان،
گئجه‌لر من دخی اول کوده فغان ائیله منم.
سرّی وار، آننامیشام، یوخدو دهانیندان اثر،
من یقین اهلییم، البته، گمان ائیله منم.
هانسی بیر فصلدی کیم، ای گول رعنا، سن اوچون
گؤزومو ابر کیمی اشکفشان ائیله منم.
هانسی بیر سرودی کیم، قامتوون یادی ایله
قوپاریب اشکیم ایله، سویا روان ائیله منم.
سیّدا، بسدی دله عشق خداوند احد،
میل خوبان دل آزار جاهان ائیله منم.