او قدر آغلادی سیّد غم هجران ایله

یاده سالدیقدا سنی، دیدۀ خونبار آغلار،
یار هجرین چکن، البته کی، ناچار آغلار،
بولبول بی دل الیندن اوزولوب دامن گول،
گئجه‌لر صبحه کیمی ناله چکیب، زار آغلار.
شاد ایکن وصلین ایله کؤنلومه غم چکدی هجوم،
اولدو مین گونه گئنه درده گرفتار، آغلار.
تاب تب، ظلمت شب، محنت غربت، غم یار؛
ائیله مز تاب بو محنت لره بیمار آغلار.
بس کی، شب تا بسهر آغلاماق عادتدی منه،
همدم اولموش منه یکسر در و دیوار آغلار.
من کی، هجر آتشینه یاندی وجودوم، بیللاه،
منیم احوالیما دوزخده یانار نار، آغلار.
او قدر آغلادی سیّد غم هجران ایله
کی، اونون حالینا بو چرخ سیتمکار آغلار