روموز شعردن عالمده یوخ منیم خبریم،

آلان قراریمی اول کاکیل موطرا دیر،
باشیمدا، بیلمییرم هیچ، بو نه سودا دیر؟
دئدیم: ندیر روخی – مصحف وشینده خط سیاه،
دئدی کی، سورۀ “والشمس” اوچون بو معنا دیر.
جاهارمیخ طبیعتدن ال چکن عارف،
چیخار سمایه کی، همخانۀ مسیحا دیر.
بوراق همت ایله قیل اوروج ارش حقه،
او قوش کی، چرخ چاهاروم مقام عیسیدیر.
گؤرن خدای عهد نورینی بو کسرت آرا.
دئمز کی، هیچ بو مسجیددیر، اول کلیسا دیر.
تجلیات اؤزونون، گؤز اونون، جمال اؤزونون،
جاهاندا گه اؤزو یوسفدی، گه زولئیخا دیر.
روموز شعردن عالمده یوخ منیم خبریم،
زبان سیّد شیرین سخنله گویا دیر.