او صوته باشدان آیاق گوش اولدوغوم گئجه لر

هانی او ماهه هم آغوش اولدوغوم گئجه لر،
شراب وصل ایله مدهوش اولدوغوم گئجه لر.
سیاه زلفو تؤکوب اوستومه یاتان دم لر،
بسان کعبه سیه پوش اولدوغوم گئجه لر.
زامان زامان اوخویوب یارایله دوای قدح،
او لاله روخله قدح نوش اولدوغوم گئجه لر.
دوشنده یاده، دوشر شعله‌لر دل و جانه،
او نار عشقله پرجوش اولدوغوم گئجه لر.
بسان سیل یئتیب بحر وحدت یاره،
آتیب صدالاری، خاموش اولدوغوم گئجه لر.
چیخاندا صوت و او شیرین کلاموون، سیّد،
او صوته باشدان آیاق گوش اولدوغوم گئجه لر.