بیر کیمسنه یوخدور کی، سنه اولمایا پابند

بو پیر کؤنول تازه بیر اهل نظر ایستر،
اوّل کی کئچیب دیر، بونو اوندان بتر ایستر.
گؤز یاشیمی دل جولره دؤندردی غمیندن،
معلوم اولور نخل مراده ثمر ایستر.
لعل لبینی ایسته سه دل، حقی وار، ای گول،
بیمار گؤزوم قوت اوچون گولشکر ایستر.
پئیکانلارینی خواهش ائدر دل ایکی یاندان،
اوچماغا سر کویوه بیر بال و پر ایستر.
باشدان کئچیبن عشقده جولان گرک اولسون
میدان محبتدی بو، ای دل، جگر ایستر.
بیمار گؤزون ایسته سه قوی قانیمی ایچسین،
قربان دیر اونا، جانیمی مندن اگر ایستر.
بیر کیمسنه یوخدور کی، سنه اولمایا پابند،
ای خالق بی مثل، سنی هر بشر ایستر.