سیّد، شکایت ائیله‌مه هجران یاردن

هرچند خوبروده بو عادتدی، ناز اولور،
سن تک، ولیک، ناز قیلان یار آز اولور.
اول سروی سرفراز ائلدیم اشکیم ایله من،
اغیار، سایه سینده ولی سرفراز اولور.
عادت بودور کی، دهرده گؤرمز وصال یار.
هر عاشیقی کی، پاکین نطر، پاکباز اولور،
گؤرمز حقیقی عاشیق اولان وصل یارینی،
بزم وصال قسمت اهل مجاز اولور.
کؤنلو گرکدی غنچه کیمی قان اولا مودام،
کیم کی، دهان یاری سوروب، اهل راز اولور.
فقرو فنایه طالب اولان دولت ایسته مز،
بو کیمیانی حاصل ائدن بی نیاز اولور.
قویماز کبوتر دل عشاقده قرار،
هر یئرده کیم، گؤزون کیمی بیر شاهباز اولور.
خورشید ائدر طلوع، یئتر شب نهایته،
باغلار ستاره چشم حسد، صبح باز اولور.
سیّد، شکایت ائیله‌مه هجران یاردن،
بیر گون اولور کی، لطف خدا چاره ساز اولور.