مکر ائیله‌ییب اول آجی سؤزلرین، سیّد

هانی او ماه ایله من عشرت ائتدیگیم گئجه لر،
طلوع صبحه کیمی صحبت ائتدیگیم گئجه لر.
گئدنده یار، دوروب ناز ایله کناریندان
آلیب اله اتگین، منت ائتدیگیم گئجه لر.
دوشنده خاطریمه گؤگ لره چیخار آهیم،
او ماهپاره ایله خلوت ائتدیگیم گئجه لر.
آیاق یالین، باش آچیق، زمزم سرشک تؤکوب،
طواف کویی اوچون نیت ائتدیگیم گئجه لر.
گلیب نهانی در یاره، اوز قویوب خاکه،
غبارین اؤپمگه اول جورعت ائتدیگیم گئجه لر.
دوشرمی بیرده اله، ای خدای حی و احد،
او سرو قامت ایله اولفت ائتدیگیم گئجه لر.
دئینده یار منه درد، من دئیردیم جان،
مزاقه تلخ سؤزون شربت ائتدیگیم گئجه لر.
مکر ائیله‌ییب اول آجی سؤزلرین، سیّد،
اؤزوم اؤزومه دؤنوب لذت ائتدیگیم گئجه لر.