خون فسا فوجونه گؤسترمه کلامین، سیّد

بولبولون حال دلین نوگول گولزار بیلیر،
یانسا پروانه، غمین شمع شب تار بیلیر.
عاشیق کامل اولان دردینی یاره نه دئسین،
او کی درد اهلین ائدیب درده گرفتار، بیلیر.
راضییام کی، یانا پروانه کیمی بال و پریم،
گر منی یانماغا اول شمع سزاوار بیلیر.
نه شکایت ائلییم درد دلیمدن یاره،
بیلمیشم کی، دل زاریمدا نه کیم وار بیلیر.
شاکیرم یانماغا، یوخ جورعت ائدم شیکوه، اگر
اول دل آرام منیم جنّتیمی نار بیلیر.
گؤرورم اول گؤزو بادام، او لعلی شکّر،
ایله سه خواهش، علاج دل بیمار بیلیر.
خون فسا فوجونه گؤسترمه کلامین، سیّد،
گئنه گول قدرینی بو دهرده عطار بیلیر.