گئنه دنیا لره سیغماز، نه اولوبدور، سیّد

شکر، ای دل، گلیر اول ماه بیزیم ساری بو گون،
گؤر دویونجا روخ جان پرورینی، باری بو گون.
قویما گئتسین چیخیب، ای دل، او مه بی مهری،
ثابت ائت یالواریب اول اختر سییاری بو گون.
بو گئجه منزل ائله خانه می، ای ماه لیقا،
سالما نقصانا بیزی، گئتمه، سنی تاری، بو گون.
آیو گون، ثابت و سیّاره تماشایه چیخیب،
مشتری دن او مهین گرمدی بازاری بو گون.
گئنه دنیا لره سیغماز، نه اولوبدور، سیّد،
خوش باخیب دیر اوزونه یوخسا گئنه یاری بو گون.