سنی گؤردوکده سر راه ده، حق دن سیّد

ایستدیم چاره خطین بو دل صدپاره اوچون،
دئدی مرحم کیم ائدیب مشکی، گؤرک، یاره اوچون؟
قاصد، اول ماه تمامیم شب هجران غمینه
نه سرنجام ائلییردی بو گونوقاره اوچون؟
حضرت نوح نجی نخلۀ توبانی کسیب،
سنه، ای طفل، گرک دیر یونا کهواره اوچون.
توبه وئردی منه مئی دن قسم ایله واعظ،
پایلادیم باده آلیب من دخی کفاره اوچون.
سنی گؤردوکده سر راه ده، حق دن سیّد
یوز گؤز ایستر، گؤزلیم، حسنوه نظاره اوچون.