سیّد، ائیله بیلدیم کی، بقا سویونو ایچدیم،

جان تازه لنیر لعل دورفشانینی گؤرجک،
دیل خرم اولور سرو خرامانینی گؤرجک.
داغلاره چیخیب سالدی باشین سونبول آشاغه،
اول لاله روخون زلف پریشانینی گؤرجک.
پسته دهنی آچیلا قالدی حسدیندن،
اول سروقدین غنچۀ خندانینی گؤرجک.
یعقوب نئچین اؤلمه دی، بیلمم، فرحیندن،
جان نقدی اولان یوسف کنعانینی گؤرجک؟
جانانی گؤره ن لحظه ده جان دوشدو آیاغه،
یالواردی گدا عجز ایله سلطانینی گؤرجک.
بو خاک سیه دن باشیمیز چرخه اوجالدی،
اول ماهروخون گونده بیر احسانینی گؤرجک.
سیّد، ائیله بیلدیم کی، بقا سویونو ایچدیم،
اول سبز خطین قتلیمه فرمانینی گؤرجک.