اول بت لیلی وشین عاشیق مجنونو اولوب

بیر زامان بیز دخی اول ماه ایله همخانه ایدیک،
شمع رخساره سینه یانماغا پروانه ایدیک.
شور مئی باشدا، ایاغ الده، سبو زانوده،
مجلس عیشده هم کاسۀ جانانه ایدیک.
رشک صد عاقل و فرزانه ایدیک گرچی کی، بیز،
حلقۀ سلسلۀ زلفده دیوانه ایدیک.
حسنونه مظهر ایدیک اول بت سیمین بدنین،
اوزونه آیینه، گیسولرینه شانه ایدیک.
اوزادیب باشیمیزی خومدن ایچردیک مئی ناب،
مست میخانه ده، بی منت پیمانه ایدیک.
ایندی بیر غیری سایاق ایله اؤتورسن بیزدن،
بیز مگر کیم، سنه، ای گول، بئله بیگانه ایدیک؟
اول بت لیلی وشین عاشیق مجنونو اولوب،
شهرت عشق ایله سیّد کیمی افسانه ایدیک.