باشین یئتر سمایه شرافتله، سیّدا،

یوز فیضین اولسا خلقه اگر آفتاب تک،
دوران سالار آیاغا سنی ماهتاب تک.
بیلمز روموز صحبت همراز دردینی،
نادانه اهل دل آچیلا گر کتاب تک.
اولما ملا ل خآخر ارباب مرفعت،
هر واردیغین بساطه صفا وئر شراب تک،
یوخ عیبی کیمسه دن سنین احسان قبولوون،
احسان ائدرسن آلدیغوو گر سحاب تک.
مملوو ایکن هوای محبتله سینه میز،
سیل حوادث ایله ییخیلدیق حباب تک.
اول آفتاب روخله کئچن گون لریم منیم،
ایندی گلیر خیالیما هجرینده خواب تک.
باشین یئتر سمایه شرافتله، سیّدا،
عشقیله پاییمال اولا بیلسن توراب تک.